Ipar Haizeak

Baziren egunak haize-bolada gogorrek Sakana astintzen zutela. Hainbat zuhaitz apurtu ziren eta teilatu asko hondatu ziren. Gau hartan, Ziordiara lanetik itzultzen nintzenean, bolantea indarrarekin eutsi behar nion autoa kontrolatzeko. Etxean haizea alde guztietatik nabaritzen zen eta beldur pixka bat ematen zuen. Nire txakurra ere urduri zegoen. Zerbait afaldu nuen eta berehala ohera joan nintzen. Normalean lo seko geratzen naiz, baina egun hartan zerbaitek esnatu ninduen. Txakurra entzun nuen zaunkatzen eta haserretuta isiltzea agindu nion. Hurrengo egunean altxatu nintzen eta sareta igo nuenean harrituta gelditu nintzen. Bestaldean, ni bezain harrituta, Urbasako ardiek tinko begiratzen ninduten.